X
تبلیغات
توفیق - هوسات
موقع توفیق الراشدللابحاث الثقافیه والسیاسیه

الخوه مو لرکبه حـدهه اگواش لو لذت سبح

و العرف قیمت الخوه قـــــــزر ابعینه الملح

لحم رگبه ایصیر لازم لو وصل وکت الذبح

ما یعزل لحمه امنعظامه

من کلمات الشاعر الادیب الدکتور مهند الطایی

اهــــلي اببــــحر المحبـــــه علموني اشــــلون افوي

و من ابـــوسن ایــــــد عمي جني بایس ایــــــد ابوي

ابشده من انهض لخوي اشلون احط منه اعله اخوي

مـــــن یــــــوگع حمله ايــــتچیـــلّه

کلمات محسن الفرحاني من مدينة عبادان

أسف عد البعض یعضای شفنه الهوسه مظلومه

عشمه الساعت الکلفات تصهل وصطت الحومه

الطالع صفحت التاریــخ یلگه الهوسه منظومه

لل مـــلگه ابیــــوم الملزومه

 قاسم ابومیلاد النیسی

خاویلک اخوالبـل ضیج حمل الیکلف ایشیله

 اوگلبه ابیض مدیم اویـاک مایتعامل ابحیله

 الک یوگف وتدبل کون واسما ایسدرالعیله

 اوبگلوب اعداک ایحط خوفه

لاتجفی اویه اخوک ارجوک لوشفت الوکت موزین

دگ جدمک وتد بل گاع واشگف عنــه سهم البین

أوگف وگفت العبـــاس یومن ضحه لجل احسین

 شــــب نـــاراذلــــه ابعـــدوانــــه

قاسم ابومیلاد النیسی

من تطب حضرت امامـــک ذاک ابن طیبه نفوس

اطلب الحاجـــــه ابسهوله و گلبک ابدا لا یحوس

هل دمع یم باب صحنه و گله یا شمس الشموس

جیت اطلب و انته الوفایه

نسیم النبگانی

اجیت ابلهفه حامل شوگ گاصد حضرت السلطان

شمس عالی اعلا الشموس و کافـــــــــل الغزلان

کریم و بل کرم نعمین یشبـــه جده عالی الشان

ماحس ابغربه الساکن بیته 

رحیم ابوجساس المنهل


اعتنیت الحضرتـــــــــک یا کافل الغزلان

یا شمس الشموس اساکن اخریــــــسان

تجری ادموع عینی او گلبی الک ولهان

و الزارک یوصل لمراده

عادل خلف الساری


الخصم ویـای اله کل یوم مشهد

اولل حین ابحقوقی اعتقد مشهد

نخیته الی سکن بحــدود مشهد

امام الغربــــه بلچه ایحن علیه 

سلمان ابو میثاق الحمیداوی

یــــصح بین الزلم رجـــال ینـــــعد بل حرب فارس

 اویصح واحدحشا الامجادمن طاری الزمر جارس

فرق بین الیشرگ روس اوذاک الکل وکت دارس

کل واحــــد بسمه ایندبــــونه

قاسم ابومیلاد النیسی

الیــــعدی العمامه ازماط و الهم عزم و هیابه

مانشدو عدل لو مــــــات یوم العسر سد بابه

ذاک السبع جعلو شات و اعلیه صارو اذیابه

یردون الچبده او معلاگه

من کلمات الشاعر الاستاد الکبیر اغلامعلی الحمیداوی

الچان ابحد عمامه ازماط و اموصف یطلع احگوگ

اشوبـــــــعده الوکت مادار و افتکت علیه الحلوگ

سوهـــه الاهل ویاه مثــــل ما ینــــــعمل بل نوگ

خیرهم لازم سچینه

من کلمات الشاعر الادیب قاسم ابومیلادالنیسی

شفت گمگم هلی من ضیم مچفی وتنحب ادلاله

وشفت فنیان چن مکصور گلبه وطایح احذاله

یعد هاون لچن مبحوح صوته وعینه هماله

»» یل گمگم لیش ابهل حاله ««

اسبب جاوبنی گلی اشبیک گمگم هلی وشیالک

یـــمک طایح الفنیان اویویـلی و تنحب ادلالک

گبل مثلک تحب اتصیر کلها اتصیــح هنیالک

»» یا شیخ الموگد حاچینی ««

شفت عشمة هلی امنل ضیم اید اب ریل مشبوگه

الگبل تصهل یخی واتیول اویلی اشیاهه مخنوگه

شفت جمال من اعضای غریب ال یحلب اب نوگه

»» یبن العم دلحگ باگونی ««

وینک هــــــا یبن عمی غصبن گوه باگونی

اون ونه اب توالی الیل چن الخنسه خلونی

گبل خنگه سواد الیل امـــوت و لایسئلونی

»» حیـــــــی المن بخلاف الناگه ««

صدیقی الچنت ازامط بی اوگلبی امحسب احسابه


رحتله ابیوم عیــــــد الله وصلته وسد علیه بابه


رجعت اردود ادگ بلباب طلعلی ونبـــــح اچلابه


گللهن هذه الباگانی

 

 

صدیقی الچنت ازامط بی واعز من عندی ما عنده


خنجر قدر شــــــگ بحشای طحت وشاف واتعده


کله وماحسبتـــــه ایخون گلت هاک الجرح شده


شد جرحی ونیشن بلثانی

 

 

صدیقی الچنت ازامط بی واعز من عنده ما عندی


لچمنی وخله کل شامت وگف وایهـــوس ابضدی


رحتله وگمت ادگ بلبــــــــاب گلهم دگت امجدی


گلوله یدگ باب الثانی

 

 

صدیقی الچنت ازامط بی اوگلت اینوح یم نوحی


غافلنی ابحلات النـــــوم ذب صم ملح بجروحی


گلبی ابطاعتی ویـــــای بس العیب من روحی


کلمن یضحکلی وخاویته

 

لهلنه یشهــــد التاریــــــخ واقع هذه عیب احساس


اومهیوب النــه حد مهیـــــوب للموت ابد ماینداس


اسئل من الی ایضدنه اعلی درب البیه رفعت راس


احنــــه الماینـــدل دلینـــا*

 من کلمات الشاعر الشعبی ستار ابو سررور السیاحی

ردتک ذخر یوم الضیج من یهوه الحمل و ایطیح

و حسبتک تجینی ابیوم من یجبل عدو و ایصیح

خویی و حسبیت اعلیک و گلت فدیوم گلبی اتریح

لو شفت العایل بحدودی

من کلمات الادیبه شمس الاحواز

فرق بین القـــلم و السیف اعلاج السیف عصابه

بس طبــــع القلم مسموم ما یتعالــــــج اصوابه

طبع موخوش عد السیف اوکات ایبات بگرابه

بس قلم العز ماضم روحه

من کلمات الشاعر علی ابن المرحوم عاید البدوی

نشــــلات الوکت کلفات ما یخـــــجل اذا ینشل

او منه الچم سبع مچتوف من کثر الهضم یتهل

اوگلی الچم فصیح السان من ضیمه صبح یرتل

اوحچی الحـــگ معجود السانه

من کلمات الشاعر الادیب سرتیپ باوی

 

لچنی العسر و انجبریت احوفن مستحی اببختی

و تلثمت ابتوالی اللیــــل و طاللت بسلف طلتی

شفت شیله اعلی حایط ناس بس اتذکریت اختی

غطیت الشیله ابچفیتی

سید حکیم الشبری

لچنی العسر و انجبریت احوفن مستحی امنل ناس

طبیت اعلی بیت ایـــــــــواد بس اوداعت العباس

حسیت المـــــــایه اترید اتذب الشیله من الراس

صحتله اب بختچ خلیه

صاحت منهو هذا ابلیل دش  بیتی ویحلفنی

سبحان الله مات اسنین ابنی و انت مثل ابنی

ردیت ابوجه عرگان یا یمـــــه العسر لچنی

خلانی اطفر های الطوفه

حسن ابوفلاح الزهیری

شمـــــه اهلچ ابیوم الضیج کلهم بلمعاره احیود

و داود ابعــــــــــــزم سلمان رد الملاثانی اردود

میت صگد صار اسنین بس محد یحس مفگود

السل خلف سل شاهدنا

میت صگد های اسنین داود و رحل منـــــــــهان

بس رده ابوگفته اردود لهله و من وگف سلمان

الـــدلال اتحزمت من طاح حیهم هوس الفنیان

بلملعب داود ابروحه

حسن ابوفلاح الزهیری

احفظ شرف عز اعضاک و اوگف ب اول السربه

و بالک زورک اتگصه ابمجالس لو شفت غربه

تدری اهل الاصول اتگول العنده ابخوته طربه

ایضل متاخر ما نهوا

عامرالسعداوی

علی یا دنیه صولی ابزود  العبی اشلون ماردتی

و اسمعچ هات من ستار علتــــه اتشابه العلتی

صولی یا دنیــــا علیه و العبی

و گلبی ابنیران غدرچ و العبی

اظل افخر بل امــاجد و العبی

حیث لبسنهن خواتی الماجدات

اضل افخر لحد الموت ابعبایت ستر خدر اختی

لبسته و لاگت علهامه

رمضان العگیلی

 

تعال اتـــگرب الحضنی لاتبعـــــــد یبن عمی

و خل نتحد عل الکلفات یل دمک نفس دمی

لا تفگة شماته اترید فتنها اعلا الاهل یرمی

و اتضیع خوت ماضینه

حمید العیدانی

حـــاتم بل کرم معروف و ابدا ما یرید اشهود

لچن حاتم بـــــذل بل مال ما گالو بذله ازنود

بس ابکربلا العباس دگ حد الکرم و الجود

شال الشط لخته ابچفینه

الو تسمع اصایل خیل تسهل وسطه الحومه

حتما عل الظهر خیال عدهه اتزامط ابیومه

طبع خیل الاصایل هاذ بس الترهب اعلومه

تسهل بل ملعب جدامه

مد روحک جسر لعضاک و الهم خله مشتاگه

و ایضا خل حنینک کون یشبه حنت النــاگه

الصگرمهمایرید ایصیر لو ماعنده سبــاگه

حته الخطافه اتشل حاله

سیست لل خوه مرمر و حیطت حایط وفه

و عنزت گم گم مظیفی ابگهوه تنگط معرفه

شربت خطاری منها صاح ممنون و کفه

و ابهای اتعنز عنوانی

مرمر سیس الوجدان و حایط لل شرف علّی

و عزت نفس کل مصباح لازم عندک اتخلّی

هوس لو شفت عیال عمــــر الباقی ایولّی

و الموت ابعز اتعناله

قاسم ابو میلاد النیسی

الوفی و صاحب عقل یا خوی لهو الدهر ما یلهیه

ابسبب میمرجمیل اهوای قاسم نیسی الک حاچیه

کلمن ذکی ابلهو الدهر مایلهه

ویعدل یخی لهل الشرف مایلهه

ابوکت العطش یصبح عذب مایلهه

او وکت الحرب یسگی الخصم دم احمر

هذا اللی یریح البال و تگدر حارص اتخلیه

و اتامنه البیت او مفتاحه

نسیم النبگانی

وارجو التسامح من جمیع الشعرا الذی کانووساهمو فی هذا الفرح و ما

حصلت علی جمیع اشعارهم و هوساتهم الجمیلات

رحیم المنهل - دیوان ملاثانی

 

الوکت لوعزم ایلاویـــک اسطره اعلا الوجه بنبـــــــال

و امشی ابدرب داحی الباب عوف اهل الگلت و الگال

البس درع یوم الــــــکون اوعصب هامتک بعـــگال

و حـــــدود اهلـــــک طــــومر بیـــــها

من کلمات الشاعر الادیب ابوخلیل الشحیتاوی

حاول و اکسب النوماس لاتبرد یبن عمی

وصیرالعاذلک برکان و امسح یا نفل همی

اریدک من یثور الماو توگف کل جبل یمی

واداوای اجروحی المچلومه

من کلمات الشاعر الادیب عبدالزهرا ابوخلیل الشحیتاوی

سامــع بل قــــــدر مرات بس ابعینی مــــــوشــــایف

اخــــوی ابعینی شفته الیوم صار امـعزب الحایــــف

سمعته اب اذنی هیچ ایگول آنه امعزبک اوخـــایف

لــــویگــــعد آنــــه اخـــذ راســــه

من کلمات الشاعر الادیب جاسم ابن اغلامعلی الحمیداوی

ضکنی العسر ضکت موت ضکته الحره عل بسمار

اضحک و الخلـــــگ ما ضاگ من یجبل علی خطار

طبعی کل وکت لل ضیف کون اعزم اویاه الیـــــــار

لوکلنه انصیر ابحنایــــــــه

من کلمات الاستاد الادیب اغلامعلی الحمیداوی(ابوقاسم)

صحیح ابعسر طایح حیل ما گولن چذب و نکر

لاچن ما تضیج العین و کرهت ضیــف ما اذکر

تمر ایام ماکو افلوس خلت ایدی و بگت تصفر

ودی اعلی الچای اعزم یاری

من کلمات الشاعر فرج آلبوعبادی

خاویلک اخو ال بل ضیج یحضر بالک ایریحــه

اوجبل عنه المثل مضروب یاهو الیگدر ایطیحه

موضمـــه العهد ویاک حتی ابصایح ایصیحــــــه

بعیون اعداک اشتل شوکه

من کلمات الشاعر الادیب قاسم ابومیلاد النیسی

من جدح سیف الکلایف بل حروب و حشمت چاوین اخوتی امخدره

الیرف شارب عزمه مایهوه المنام و یوگف ابصف المنیه اول سره

یصمد الحد ال ممات و ما یهاب و یگلب ال عزته الثریا اعلی الثره

لو یوگع لویقلب داوه

من کلمات الشاعر الادیب سلمان ابو میثاق الحمیداوی

هلی عز الکرامه ونار موگدهم دفو

عدهم الخایف تامن لوگصدلیهم لفو

هلی حاتــم کرمهم ثلث تنعام و کفو

یشطر دیوان اهل الشیمـــــــــــــه

هـــلی حسن المـــــــکارم ما شفت بیهــم کسر

افیـــــای کوسرنه جنــــــه و ما ابدلنه ابقصــر

الضحه الگهوه اتفاوح من وصل وکت العصر

عشمتــــــــهم تــــلعب بل ثـــــــــایه

هلی ســـــــــــــوح المراجل بیهم ما تمر عیله

و عدوهم بیه یصیر اسلال منهم منشده حیله

خیالة وذن اهلی عدهم تصهــــــــــــل اکحیله

تگفــــــــــع جـــــــــدام الخیــــــــــــــــاله

اخذ عبره امنل دنیــــــــــــه و لاتغنی بلفگر

و اصبر ابســـــود الیالی و الیسر بعد العسر

الکدیش ایباهی حومه و الشهم ربه الصگر

کل شهـــــگه ابصیــــــــــــده ایــــرد بیه

من کلمات داعیکم رحیم المنهل

مثل عند العرب مضروب و اهلی ابهل مثل یحچون

ما گطعــــولحد الیــوم سبیبــــــه العاجل و مجنون

هیچ العمر کون ایفـــــوت مابیهم تخیب اضنـــون

کل مـــا ینتلــــــــه اتـــرخیلــــــــه

گلبی فر من بین ادیه ابکعبت احبابی انشبگ

ومهری من زود الصداقه مره ماشفته انسبگ

جفنی شابه عل شماته اولحظه ماظن انطبگ

لوسلهم خاف ایقدرونه

من کلمات الشاعر الادیب جاسم ابن اغلامعلی الحمیداوی

زینب نادت العباس یحید البل حرب ضرغام

گوم اجدم یبن حیــــدر و ارفع رایت الاسلام

گل الها یخــــویه الیوم کل اهل الکفر تندام

و اجیــــوش البـــــاطل افنیهـــــــــا

اجیوش الذل انا افنیها و الباطل یرد مهزوم

انا ابن البطل حیــــدر حید البل حرب معلوم

زینب خویه عد عیناچ انا ابکربــلا الملزوم

عبــــاس السقْـــا ایسمــــــونی

عبـــــاس السقه انا اتسمه اومن حیدر خذت زودی

حیـــدالی طبر مرحـــــــب ضـــــرغام الفخر عودی

اصیرن درگه لجل الدین واحامی ابعز علا احدودی

او لل بــــاری اتعنـــــه ابـــــچفیــــنی

اتعنه الخالق المعبود بچفوفی و سهم عینی

اقدمهن و اصیح ابشوگ انا الی خلص دینی

ضحیت ابمعالی الروح لحسین و لجل دینی

او هل ییتک حر ویه اعضیــــــــدی

اجیتک ویه اخوی احسین حـــر اوبل عهد وافی

ذخر حیـــدر علی الکرار امشی اعلا الجمر حافی 

العلی واجب عملته الیوم و الطف شاهد انصافی

و لسکینــــه الشــــط ییته ابجـــــودی 

من کلمات الاستاد الشاعر الادیب قاسم ابومیلاد نیسی

صحیح الراح ما یرجع مثل ما گال شاعرنا ذخر منهل


لچن احنه بزمن یا حیف علی الطیبین لا ننشد و لا نسئل


ابوی بیوم وصانی و گال اسمع یولدی زین بس بالک ولک تزعل


الحر ما ینکر وچفات اصحابه

 

     من كلمات الاخ العزيز حامد كناني 

تمنيت ابزماني اتصير فزعت ليل

و لوگام الفشگ يلمع لميع اسهيل

حتمن چا عرفنه اليلفظ ال ياويل

الصد يعزله و يطلع صافيه

الو  ثار    الفزع  او   علگت  الرايه

عاد   اهنا  ايبين  ال  بيه    الكفايه

تره ال تحچي ابنفاه اتشوفه اهوايه

احمد بل ثبت لو صارت نيبه

 

علي الموات الحميداوي ابو كريم

خلص وکت الچلل گل الحیایه اتسیب

و گل الشات یمرح  لو  توفه  الذیب

الف یاحیف شخصک عن بلدنه ایغیب

اسهیل اعل البل و انته اعله النیبه

من کلمات المرحوم حمد العطیو (ابویابر) الحمیداوی

علامات الصداقه اهواي المنهن قنع وجداني

قلم واحد اگلك بيه حچاه ناصر يبر زرگاني

الوفا طربيسنا و العزشتلنا

و گيض التحرج اهبوبه شتلنا

مضن مركوب بل هيمه شتلنا

و مضن گلنه علي الصاحب رديه

اخذه وسره بل دلال لا تهوه اليگول آني

و الزين امبين بفعاله

  حبيب ابو عدنان مزرعاوي  

ابوادي الشعر عگلي احتار و بين الچلم متحاصر

لچن ما سلمت الهن حچيت الهن شعر ناصر

اسف بعض الرفاگه ابضيج ماهم

كفو وايضا سراب ابصبخ ماهم

الو دهري دعاني ارميم ماهم

تچيتي الله و عمامي اسدود فيه

من هذا الفعل يعضاي اب لسان اهل الشرف گاصر

من غصبا يبلعه العيله

الهوسه من كلمات حبيب ابو عدنان مزرعاوي و البيت من كلمات

الشاعر ناصر اليبر الزرگاني

 

 

الراد اعلي المعالي ايزود يبذل جوده عله الحباب

ضنوه يبر هيچ ايگول ناصر بيته گد اكتاب

الراد ام المعالي جود يبذل

و ابدا مايعيش ابهضم و بذل

ابمجلس لو تصدرزين وبذل

الصدر صوبه ايصير وضخن فيه

اله و لهله المعالي اتلوگ لو گاعد ابحلگ الباب

والعتبه اتعلت من زوده

الهوسه من كلمات جاسم ابن اغلامعلي الحميداوي و البيت من كلمات

 الشاعر ناصر اليبر الزرگاني

 

 

من ناصر سمعت البيت عتابه اهواي بچاني

علي الشالو يگول ابليل ضنوه يبر زرگاني

ابهجير الصيف ضلمه ابليل شالو

خذو عگلي و دليلي ابرمح شالو

گطعت البيد ادور الگيت شالو

ابحنينه ايگول ذالوك الحباب

يوم انگال شالو هيچ اتبع ضعن خلاني

بسعيد وبل بر لاگيته

الهوسه من كلمات الشاعر حسن ابو فلاح الزهيري و البيت من

كلمات الشاعر ناصر اليبر الزرگاني

 

بصفوف العرب ياناس ادروس امنل زغر قاري

حافظه و تضل للموت حسبت اختي بت جاري

خليت الكرامه اسلاح انشد روح خطاري

و الصوگر لاگيته ابهايه

   حسن ابو فلاح الزهيري   

هوسه جمیله و قدیمه من کلمات الاستاد اغلامعلی الحمیداوی قالها فی

مراسم تشیع الشیخ سلطان المحمود (رحم الله) شیخ عموم عشایر

الحمید فی سنه ۱۳۵۶ه ش

ما یهمنه النوایب مایهمنه احنه الدهر

بس یهمنه افراگ شخصک هان ینشبنه القهر

یل مشیر ابکل نوایب بل فهم تنعد بحر

اگعد یرشدها وشور الگومک و اهدیه

 اغلامعلی الحمیداوی  

کرمت خلی ابولیمه و گتله ناگص بس ملح

گال ماعندی التریده کافی بسک لا تلح

و المصیبه اهنا یعالم گتله طیبلی الجرح

رش ملحه ابجرحی و گال آنی

  نسیم النبگانی  

لاحظ طیر سعدک بالک اتشیهه

و المحیبس یرید ارجال التذیهه

ال مو لاعب ابساع ایبین ابویهه

من کسر الیمه ایحل ایده

الشاعر الاستاد اغلامعلی الحمیداوی

اذا کل العگول اکبار و بدرب العقیده اتسیر

چان احسین ما ذبحوو لا یوسف وگع بل بیر

ولا شفنه الضلع مکسور و لا زینب یسیره اتدیر

من دیره الدیره اعله الناگه

جاسم ابن اغلامعلی الحمیدا

بهندس رحت انه و یاری نحوف ابلیل تفاگه

نتعتو عد سلف جدام فصیل و عشمه وی ناگه

لحچ یاری الملح مذبوب شاله ابچفه من ذاگه

حط زمره ابصدری و ردانی

 

حط زمره ابوسط صدری و ردنی ابجدحه اعیونه

گال امنل یهل درسیت الذایگ ملحه ماخونه

الوهیچ اتربه الناس کله الدیر مامونه

ما حطو حایط بل دیره

جاسم ابن اغلامعلی الحمیداوی

انطر ابلیله شمال غیم اشتد و رعد

لمعت و شفت الحرامی ثلمه الحایط صعد

من رکضت اعلی الحرامی شفت ابن عمی الگعد

یاموت انخاک اقبض روحی

الشاعر الاستاد اغلامعلی الحمیداوی

 

 

 

نوشته شده توسط توفیق بن راشد الکوتی در ساعت 11:33 | لینک  |